سير اعلام السفهاء

 

ليه السلسله دى

1-علشان نبين جهل وضحالة ومكر وخبث البلاليص والهبيده اللى مسميين نفسهم نخبه وتنويرين

2-علشان نبين الجذور الفكرية للبلاليص ونعرف الناس انهم عبارة عن مجموعة من البغبغانات اللى بتردد شبه المستشرقين والملاحده والعلمانيين الغربيين بدون حتى مايشغلوا دماغهم

3- علشان نبين حقيقة دعاه الاسلام الكيوت منزوع العقائد ومنزوع الاهداف الجماعه اللى قلوبهم ضعيفه وضد العنف والحاجات دى

4-علشان نسرد الشبهات المطروحه من الناس دى ونرد عليهم بدون لف ودوران ولا مجاملات لحد ولا خوف على مشاعر اخوانا البلاليص من العلمانيين والليبراليين

علشان كده قسمت السلسله لتلات اجزاء

1-كانوا شمالا ودى هتتكلم عن الجذور الفكرية للهبيده سواء مستشرقين او اى افكار او فلسفات ساهمت فى بناء الكائن الهباد اللى اتحول لبلاص وهنتكلم عن اهدافهم وافكارهم واشهر شخصياتهم

2- بلاليص وهبيده ودى هتتكلم عن فئة البغبغانات اللى موجوده جوه مجتماعتنا و هما محترفى الكذب والتضليل والسرقات الفكريه

3-وهتكون عباره عن رد ممنهج على شبهات  حول الاسلام بطريقه مرتبه يعنى مش هنستنى تثير شبهه لا احنا هنثيرها وهنرد عليها

سوال اكيد جه فى دماغك ايه الفرق مابين كون الواحد بلاص او انه شمال

اقولك انا

الراجل الشمال دا راجل دارس وعنده منهجية بحث لاثبات الباطل لذلك تلاقي كلامه مرتب ومنظم وتلاقيه ديما بيدور على اللى يثبت فكرته بطريقه شيك منطقيه وعقلانية تناسب الفئة اللى بتسمعله

تلاقيه عمره ماينفى شىءعن الدين او معلومه مثبته او حادثه او حديث بالعكس بيثبتها ويبدا يحرف فيها بمغالطه منطقيه او يحرفها بطريقه فلسفيه زى مثلا زواج السيده عائشه من النبى فى سن تسع سنيين هو بيثبت الحدث انه فعلا تم الزواج فى السن ده لكن يبدا يطعن من مفهوم الانسانيه ومن مفهوم زواج بنت قاصر وان النبى كان مغرم بالنساء  وزى تعدد الزوجات بيثبت الموضوع لكن يقولك ان النبى ازاى اتجوزتسعه وامر امته يتجوزوا اربعه بس

تلاقى الشمال عنده منهجيه بحث وعنده افكار مرتبه وموجهه ودول بيبقوا فى شكل منصرين فى اغلب الاحيان او ملحدين

اما البلاص اوالهباد فده حاجه تانيه

اولا خلينا متفقين ان لو واحد طعن فى نصوص الشريعه وهاجمها بشكل مباشر محدش هيسمعله بالعكس ممكن يروح فيها

لكن لو قال انها جميله ولذيده وتصلح لكل زمان ومكان بس اتفسرت غلط هيلاقى قبول من بعض الناس

وده اللى بيعملوه البلاليص انهم بيضللوا الناس عن المعنى الحقيقى لنصوص الشريعه  بمعنى انه مثلا مش عاوز يتقيد بحكم معين او مش عاجبه مظهر من مظاهر الدين بيبدا ينفيه ونرجع لنفس المثال اللى هو زواج السيده عائشه من النبى صلى الله عليه وسلم هنا بقا البلاص بينفى الموضوع تماما وتلاقيه يجيب نصوص  من شرق ومن غرب علشان يثبت ان السيده عائشه اتجوزت وهى عندها 18 سنه اشمعنا 18 سنه متعرفش المهم انه بينفى الحدث او الحديث

تلاقيه عنده باب طعن خبيث فى الرموز الاسلاميه وخصوصا الصحابه يقولك ان محدش معصوم من الخطا وانه وارد ان الناس دى تغلط اصلهم بشر ويبدا يطعن فى الدين من خلال المدخل ده ويبدا يهزصوره الصحابه واهل الديانه  فى نظر المسلمين

تلاقيه منهزم ديما وبينظر على الغرب انه اله وديما يعايرك انك متخلف وانك متقدمتش بسبب الاسلام والشيوخ مع ان الشبهات دى مطروحه من زمان من ايام ماكان المسلمين متقدمين

النوع ده ديما تلاقيه متناقض يعنى يقول الشىء وعكسه علشان يثبت وجهه نظره السياسيه او الاجتماعيه او غيره

النوع ده ديما هتلاقيه ديمقراطى مع كل الناس الا مع المسلم القابض على دينه

عنده التبرج والالحاد وكل اشكال الكفر حرية شخصية وان ربنا هيحاسبهم

 لكن المتدين لا معندوش اوبشن الديمقراطيه ده

ودول بقا هتلاقيهم مسميين نفسهم نخبه او تنويرين او حداثيين وهتلاقيهم مسميين نفسهم وسطيين وهتلاقيهم مسميين نفسهم مفكريين

ده الفرق مابينهم من ناحية البحث والتعامل

طيب هتسالنى مين الافضل

طبعا هقولك ان الاتنين زى الزفت واسوا من بعض لان هدفهم الطعن فى الدين بس واحد فيهم صريح  والتانى مش صريح

ونقول

يُرِيدُونَ أَن يُطْفِـُٔواْ نُورَ ٱللَّهِ بِأَفْوَٰهِهِمْ وَيَأْبَى ٱللَّهُ إِلَّآ أَن يُتِمَّ نُورَهُۥ وَلَوْ كَرِهَ ٱلْكَٰفِرُونَ

دى كانت تقدمه للسلسله وتعريف بيها

انتظرونا فى القادم ان شاء الله

هذا وصلوا وسلموا على نبينا محمد وعلى اله وصحبه وسلم